Bahan Khotbah Minggu 22 Desember 2013

SERMON EVANGGELIUM MINGGU 22 DESEMBER 2013

Mateus 3 : 1-12

Ginurithon ni: Pdt. RE. Sihotang, S.Si

Tema:

PARADE DALAN DI TUHAN I

I. Patujolo

Suara na joujou di halongonan:”Pauba hamu ma rohamuna” (bertobatlah). Sada panjouon asa marhamubaon, molo talapati hata on di bagasan Kamus Besar Bahasa Indonesia, adong 2 lapatanna: bertobat v( 1) menyesal dan berniat hendak memperbaiki (perbuatan yg salah dsb): dan (2) kembali kpd Tuhan atau agama (jalan) yg benar. Dibagasan bahasa gorik (Yunani), hata bertobat diterjemahon sian hata metanoia, lapatanna "berbalik 180 derajat dari kehidupan yang lama" atau "meninggalkan cara hidup yang lama". Halak na di jou asa marhamubaon/bertobat alani pangalahona naung maralo tu hasintongan, ditogihon asa “Manolsoli/Menyesal” di angka pangalahona na jotjot mangalaosi hata/patik ni Debata, jala dung sian i, gabe “Mulak/Kembali” tu dalan na dipangidohon Debata dibagasan hasintongan.

On do barita na diboan Johanes pandidi tu tongatonga ni halak Jahudi. Songon sahalak utusan ni Raja, Johanes di suru manjoloani dalan ni raja nanaeng ro i, Jesus Kristus, asa: Pature hamu ma dalan di Tuhan i; pahornop hamu ma sidalananna i!". Sude halak na mambege panjouon i. ditogihon tu hamubaon jala di didihon di aek Jordan. Padan na Robi mandok ia pandidion marhite aek peanindangion do i ias sian sude na jat dohot panosolion sian sude dosa (2 Musa 19:14-15; 3 Musa 16:4,24; Psalm. 51:4). Dibagasan ulaon ni Johanes pandidi, pandidion i ala naung marhamubaon, dohot manjoloani haroroni harajaon ni Debata na mamboan panguhuman na borat.

Alai molo tapamanat di turpuk jamita on, tarlumobi do panogihonon ni Johanes pandidi diarahon tu angka parise dohot saduse. Pintor asing do pamerengan dohot nang hata ni si Johanes tu angka parise dohot saduse. Boasa songoni? Tapaihutihut ma tafsiran na ditoru on.

II. Tafsiran

Tu angka natorop na ro manopot ibana sian Jerusalem, halak Judea ro di saluhut angka na maringanan di lambung ni Jordan i, sae do holan didok si Johanes: Pauba hamu ma rohamuna! Alai dompak halak Parise dohot saduse na ro di tingki i, ditambahi ibana do hatana i. Parise dohot Saduse, dua golongan/kelompok keagamaan dohot sosial politik na adong di tongatonga ni halak Jahudi. Tu na dua golongan on, tumpol do hatana manudu nasida jala digoari do nasida: anak ni ulok! Umbahen didok si Johanes nasida anak ni ulok, i ma si bolis na mangago si Adam dohot si Hawa di porlak Eden ( 1 Musa 3:15). Ro sian si bolis i do nasida, jala i do bapa nasida (tajaha Joh. 8:44). Anak ni ulok do nasida, ai sarupa do pangalahona. Nang pe maralo jala bersaing do nasida di tongatonga ni halak Jahudi berebut pengaruh, alai mardongan do nasida di na mangulahon hajahaton i. Jesus Kristus pe mangalehon goar na sarupa tu nasida (Mat. 12:34; 23:33). Dos songon ulok do nasida, nang pe bagak idaon di duru, alai gok rasun (beracun) jala gok dohot gabus, parpangansi, manegai tu angka na denggan. Bahkan, molo tajaha di Matius 23, tangkas dipatuduhon Jesus ia halak Parise dohot Saduse i ma halak na marjea, halak na mananda Debata alai ndang patuduhon panandaion na i.  

Parise dohot Saduse paburnanghon dirina sebagai pomparan ni si Abraham. Naeng dohonon nasida:”ai nabadia do hami, ndang pardosa songon angka bangso sileban; dipillit Debata do hami gabe bangsoNa, ndang rigkot be di didi hami”. Parbinotoan dohot pangulahononna nasida taringot tu uhum ni Debata, sai on do dipangasahon masida, alai ndang tarida i dibagasan parngoluanna. Jesus paingothon angka sisean i, asa manat tu pangajarion ni parise dohot saduse (Mat. 16:6). Ragi/asom, i ma pangajarion na diboan nasida, lam padaohon angka sisean i sian hasintongan ni Debata.

Johanes manogihon Parise dohot  saduse i asa marhamubaon, jala mamparbuehon parbue na denggan. Status nasida sebagai anak ni si Abraham ndang boi paluahon nasida sian uhuman na naeng ro. Molo so olo nasida marhamubaon, mariusuang ma sude parbinotoan nasida taringot tu uhum na sian Debata. Unang sanga salpu, ai naung rade do tangke laho manaba hau na so mamparbuehon na denggan. Jala di ari paruhuman i, di papulik Debata do angka eme sian angka hurangkam. Panjuaon ni nasida tu pandidion i, gabe sada tanda nasida pe manjua di asi niroha ni Debata. Kristus mandok: Alai anggo halak Parise dohot sipeop patik i, disundati do tahi ni Debata na taringot tu nasida, ai ndang dipadidihon dirina tu ibana Lukas (7:30).

III. Refleksi

1.    Hamubaon ni roha di bagasan ngoluna, i do na dipaima jala dihalomohon Debata sian jolma na tinompaNa. Angka panurirang andorang si Johanes Pandidi nunga mansoarahon panjouon i. Panurirang Hesekiel dohot tegas mansoarahon: “Dok ma tu nasida: Songon sintongna mangolu ahu, ninna Tuhan Jahowa, tung na so lomo do rohangku mida hamatean ni halak parjahat i, so ingkon mida hamumulak ni parjahat i tumadingkon dalanna i nian, asa mangolu ibana. Antong sai mulak ma hamu tumadingkon dalanmuna angka na jahat i! Boasa tung tagonan mate hamu, ala pinompar ni Israel? (Hesekiel 33:11). Panjouon na marulakulak manandahon holong ni Debata tu angka na tinompaNa. Ndang dihalomohon Debata masuk jolma i tu uhuman na salelenglelengna, baliksa tu hangoluan na selelalelena ma nian. Di son dituntut tanggapan ni jolma i laho mangoloi panjouon i laho manandinghon jala manundalhon dalanna na salah i, pangalaho na jahat i, gabe mardalan di dalan ni Debata jala mangulahon angka na denggan. 

2.    Panjouon ni Johanes pandidi tu halak Israel tingki i, tarlumobi dipasahat dohot tegas tu angka Parise dohot Saduse. Tu kelompok na mandok dirina sebagai golongan na sintong, pomparan ni si Abraham, dipaingot nasida asa marhamubaon. Terbukti do bahwa panandaion nasida tu Debata ndang mambahen nasida gabe halak na mangulahon HataNa. On gabe peringatan tu hita halak Kristen di tingki on na menganggap dirina sintong, mananda Debata alai ndang mangulahon HataNa, asa marhamubaon.  

3.    Di sada tingki, sahalak baoa terlibat parbadaan tu baoa na asing. Alani parbadaan i, gabe tarbunu ma alona i. Tontu sahali nunga melanggar uhum ibana, sehingga ingkon dipenjara mangihuthon uhum na masa. Alai, ala ndang olo hona uhuman, ndang olo dipenjara, gabe lari ma baoa na mamunu on maninggalhon hutana, keluargana, martabuni di sada inganan. Marhite na martabuni ibana ndang boi tangkupon ni polisi ibana, jala ndung pigapiga taon gabe lupa ma jolma di persoalan I gabe boi ibana mulak muse tu hutana. Godang terjadi hal na sisongoni di humaliangta, melarikan diri asa unang tartangkup jala diuhum. Boi ma nasida malua sian uhum ni portibi on, alai uhum ni Debata? Di son ma jotjot lupa jolma i, ia uhum na masa di ngoluna ndang holan uhum ni Negara, alai dohot do uhum ni Debata na manompa hita jolma. Dos tu partani na di tingko gotilon i papulik eme dohot sian angka hurangkam, songoni ma Debata manirang angka naburju tu angka parjahat. Ndang adong na boi “melarikan diri” sian uhuman ni Debata. Na ingkon ulahononta molo taulahon na jahat: marhamubaon sian na jahat i. 

Bahan Khotbah Minggu 15 Desember 2013

SERMON EVANGGELIUM MINGGU 15 DESEMBER 2013

Jesaya 35 : 1-10

Oleh: Pdt. MT. Pasaribu, S.Th

Tema:

PIR MA TONDIM

I. Barita Masa

Dungkon mate si Joas raja Juda na binunu ni si Zabad (Yozakar), si Amazia anakna i do manggotisa gabe raja di Juda. Marsigorgor situtu do rohana siala hamamate ni amana i. Ndang sadia leleng dibunu si Amazia ma si Zabad anak ni boru Moab na mamunu amana i, rodi sude angka pegawaina na terlibat di pamunuon i. Marojahan sian buku patik ni si Musa do si Amazia umbahen holan angka na terlibat i sambing dibunu ibana. Di Patik i didok, “Ndang jadi marutang hosa amaama ala angka anakna, angka anak i pe ndang jadi marutang hosa ala amana, ingkon ganup ala dosana sandiri mate” (5 Musa 24: 16).

Ndang sadia leleng borhat do halak Moab mangalo si Amazia na mamunu si Zabad i. Alai ala didongani Jahowa parangan ni si Amazia, monang do nasida maralohon halak Moab. Dungkon ditaluhon si Amazia halak Moab, ditahi ibana do paulakhon tano Edom[1] tu gomgoman ni harajaon Israel. Tardingkan purba (sebelah timur) ni Juda do hapeahan ni tano Edom, halak Seir angka pinompar ni si Esau do na saleleng on maringanan di si.

Dipapungu raja Amazia ma 30.000 halak pasukan porangna sian pinompar ni marga Juda dohot Benjamin naung marumur 20 taon tu ginjang, asa rap borhat nasida mamorang halak Seir pangisi ni tano Edom i. Dohot do raja Amazia turun lapangan manguluhon pasukan i tu adaran Asin (lembah Asin) jonokkon ni kota Sela. Siala didongani Jahowa, monang do nasida. Tarhira 10.000 halak toropna halak Edom i mate, jala tar 10.000 halaknai ditaban laos diboan tu punsuk ni dolok batu. Sian i ma nasida dipandanggurhon tu toru, gabe sude rage marmatean. Marhasil do nasida di parporangan i, saut do kota Sela dikuasai. Di pudian ni ari, kota Sela digoari ma i kota Yokteel (2 Raja-raja).

Nang pe naung dipatunduk jala dipaulak tu harajaon Juda kota Sela, tong dope ndang nok matanasida modom, ala sai disura rohana do sadihari hincat ma annon pasipasi ni bangso Edom rap dohot halak Moab mamorangi nasida. Di situasi na gok holso dohot hagangguon on ma turpuk jamitanta on dihatahon panurirang Jesaya. Didok tu nasida; PIR MA TONDIMU, unang hamu mabiar! Ida ma Debata Jahowa ro martubolhon dohot mamaloshon. Sai na ro do Ibana tongon paluahon hamu (ayt.4).

II. Hatorangan

Molo tajaha do di jolo ni turpuk jamita on (bindu 33-34), tangkas do dipabotohon di si, paboa naso holan bangso parbegu na ni rimasan ni Jahowa, alai bangsoNa sandiri pe dohot do. Antong molo songon i do parturena, na sarupa do ulaning pambahenan ni Jahowa tu angka bangso parbegu dohot tu bangsoNa sandiri?. Alusna, sasintongna “ndang”, sumurung dope pambahenanNa tu bangsoNa sandiri sian apala tu bangso parbegu. Dia ma huroha hasurunganna?. Dapot hita do alus ni i sian turpuk jamita on.

Ianggo tu bangso parbegu, ima na tinuduna bangso Edom, diparragehon do i pola mate marhortangan, bangkenasida pe sampe manogap bau tu ginjang, ala ni godang ni mudarnasida na durus i digombarhon do tu dolok na sampe malala (Jes.34:3). Lapatanna, ingkon sude do di tingkina mintop nasida bahenonNa. Alai ianggo tu bangsoNa, patupaonNa do hamubaon di sandok rumang ni parngoluonna (pemulihan yang luar biasa).

Digombarhon Panurirang Jesaya do parngoluon ni bangso Juda i andorang so dipauba/dipulihkan Debata, suman tu halongonan dohot tano bangkalbangkal (ayt.1). Jala ia dung dipauli bangsoNa i gabe dipatudos ma suman tu hamuliaon ni Libanon dohot haulion ni Karmel nang Saron (ayt.2). Luar biasa do na binahen ni Jahowa tu bangsoNa i, ai ndang mardebadeba dipauba alai tung saluhut do (secara menyeluruh). Dipamasa do hamubaon i di bidang ngolu pardagingon (fisik)[2], songon i di kondisi tano[3],  laos ihut do pemulihan sosial-keamanan[4], dohot pemulihan di bidang partondion (spritual)[5]. Na mansai ringkot peoponta, paboa masa pe angka hamubaon i saluhutna, Debata Jahowa sandiri do na patupahon i tu bangsoNa.

III. Impola tu Jamita

1.      Molo tapamanat do lam tu tingki na parpudi on ndang holan portibi (bumi) on be naung gok sahit, alai parrohaon dohot pangalaho ni jolma i pe nunga torop naung hona virus. Boi dohonon mansai umbuk do gombaran ni si Jesaya na di turpuk on tu parngoluonta saonari on. Nunga torop be parrohaon ni jolma i suman tu tombak longolongo (padang gurun) dohot suman tu tano bangkalbangkal (tanah tandus). Goarna pe tombak longolongo (padang gurun), so adong hangoluan di si, aek na palambokhon pe maol dapot, pokokna tahe gersang ma. Songon i do tong nang tano bangkalbangkal, so tubu suansuanan di si ala mansai tungil. Tapamanat ma lam tu ari na parpudi on, nunga gersang haporseaonta jala lam tungil parrohaonta.  Di situasi sisongon on, hirim do rohanta asa pamasaon ni Tuhanta hamubaon/pemulihan ni roha dohot pangalaho. Di Minggu advent on maimaima do hita di haroro ni Sipalua i mamboan hamubaon di parrohaon nang rumang ni ngolunta be. Anggiat dapot songon na ni lumbahon ni si Jesaya di jamita on, gok las ni roha ma halongonan dohot tano bangkalbangkal, marolopolop ma adaran.

2.      Somalna manjonokhon ari Natal, torop do jolma marlas ni roha. Marlas ni roha do angka partigatiga, ai godang ma langku tigatigana, isarana baju, sipatu dohot lan angka pahean na asing. Marlas ni roha do nang parpinahan, ai godang ma orderan binda. Marlas ni roha do nang sigadis pulsa, ai godang ma halak na mar-SMS mandok selamat Advend dohot selamat Natal tu angka sisolhot manang alealena. Marlas ni roha do nang angka dakdanak ai marpahean baru ma nasida marlitugi di gareja. Angka sijalo gaji pe tong do marlas ni roha, cair ma gaji ke-13na. Pokokna tahe boi dohonon hira sude ma marlas ni roha dohot marolopolop di na manomu haroro ni Sipalua i. Alai holan on nian, unang parejephu impola ni las ni roha i di tongatonganta. Jamita on manosohon, marhite haroro ni si Palua i ingkon pamasaonta do pemulihan sosial-keamanan, pemulihan pisik dohot pemulihan partondion. Di advent on naeng paradeonta dirinta laho patupahon hamubaon i tu na humaliang, tarlumobi ma di dirinta.

3.      Totu laho pamasahon angka pemulihan on, ima songon tanda ni parbue ni las ni roha na naeng paroon ni Sipalua i, godang do angka tantangan dohot hamaolon siadopanta. Tarmasuk hamaolon laho manaluhon roha diri. Mungkin torop do halak kristen na sapandohan tu pandok ni sahalak ama ruas ni hurianta on mandok, “ndang tarhona au manumbang tu Pantiasuhan Sarpat amang, ai ahu pe sisumbangon nama” inna. Hape tangkas do binoto loyar do parhepengonna, gok do pinahanna, manjalo sewa ni hauma do ibana ganup panen, laos holan pasangan/colokan togelna pe so binoto manang piga lembar ganup borngin, timbo muse isapisapna ai Djisamsu (123) do. Alai tega do amanta i manggabusi dirina mandok, ibana pe sisumbangon nama. Tu halak sisongon on mansai ringkot mangarujiruji hinadeak ni basabasa ni Debata na jinalona, asa mago roha diri (egois) i sian dirina. Asing ma antong tu parngoluon ni halak na molgaholgap, na memang so tolap hian be marhais martuduk. Angka halak sisongon on ma na tutu ingkon pargogoanta, songon nidok ni jamita on, ingkon pargogoan halak na martangan na dauk, dohot na marpat na telluktelluk i. Jala tu angka na sai kuatir di ngoluna ingkon dohononta, “PIR MA TONDIM”.

---

[1] Di pudian ni ari, dung di harajaon Romawi, huta Edom digoari ma i Idumea.

[2] Tu angka parroha na tahuton didok asa unang pola be mabiar, alai pir ma tondina, ai adong do Jahowa na martubolhon dohot mamaloshon molo tung di sada tingki ro musu/halak Edom dohot Moab balas dendam (ayt.4).

[3] Mampanghorhon situtu ma pemulihan tano i di nasida angka pangula/petani. Songon i nang di angka binatang dohot suansuanan na mangolu di atasna.

[4] Ingkon parohahononhon angka na mapitung, na nengel, na pangpang dohot na ngungu (ayt.5-6).

[5] Gabe boi nasida maribadah di Bagas Joro di bagasan las ni roha. Ai nunga dipauli Debata dalan balobung dalan na bolon ima dalan na badia (ayt.8).

Bahan Khotbah Minggu 08 Desember 2013

SERMON EVANGGELIUM MINGGU 08 DESEMBER 2013

Sakarias 9 : 9-10

Ginurithon ni: Pdt. RE. Sihotang, S.Si

Tema:

RO DO IBANA MARDONGAN HAADILON DOHOT HATIMBULON

I. Patujolo

Di tingki raja Sirus (Koresy) manggomgomi harajaon Parsia, taon 538 SM, haruar ma sada haputusan na mambahen las roha ni sude halak Jahudi na mian di habuangan Babel. Raja Sirus marhite haputuson i paloashon manang ise halak Jahudi na marsangkap naeng mulak tu Jerusalem laho paulihon hutana nang bagas joro ni Debata (patudos tu: Ezra 1:1-4). 50.000 halak ma toropna Israel na marsangkap mulak tu Jerusalem dohot marsangkap paulihon bagas joro naung sanga maloha i. Nang pe naung mardongan surat hatotopan nasida laho paulihon Jerusalem i, sai adong dope na mangambati nasida di sangkap i. Isarana, halak Samaria (Ezra 4:5), pangambation sian bupati Tatnai (Ezra 5), dohot angka raja na manggonti Sirus na so mangulahon parenta na digurithon di surat haputusan i. Sialani lan hamaolon i pola gabe 20 taon lelengna asa sidung dipauli nasida bagas joro i. Sanga do naeng mandele nasida, jala tubu tu rohana boha do ulaning, naso dihalomohon Debata do ulaon on umbahen sai pasingkat soring ro sipangambat?. Jala pola do nunga torop nasida naung hurang marsitutu tu hasisidung ni pambangunan i.

Di tingki pandelean on ma si Sakaria rap dohot si Haggai, manurirangi bangso i. Disosohon do tu bangso i asa muba sudut pandang nasida marnida hamaolon i. Ndang naso parduli Debata tu nasida, justru ala ni keperdulianna ma umbahen naeng diparo Debata Raja si palua i tu tongatonganasida. Jala ima tanda paboa na manongtong do Debata di pihakna mandongani nasida.

Togon di taon 518 SM., jongjong ma Raja Darius gabe raja di Parsi. Marsitutu do ibana mangoloi dohot padalanhon haputusan  naung tinotophon ni Raja Sirus na uju i. Di partingkian on pe asa lumumbang dihilala halak Jahudi pasidungkon pambangunan naung sanga tartunda na jolo.

II. Tafsiran

Hamaolon di na pajongjonghon huta Jerusalem dohot nang bagas joro ni Debata, mambahen menet roha ni bangso i. Alani i, parnidaan na dipasahat Sakaria tu nasida naeng pahothon roha nasida di bagabaga ni Debata, dohot naeng patoranghon lapatan ni haroro ni si Palua i di tongatonga nasida. Goar "Sakaria" i ma sada goar na umum dibagasan Padan Narobi, lapatanna:”Debata Marningot/Tuhan Mengingat”. Nunga tung balga situtu pangkirimon ni bangso i taringot tu haluaon sian gomgoman ni bangso sileban. Hinorhon ni i, tarpaimaima do nasida di haroroni sada uluan, si palua, na ro paluahon nasida sian hapariron di habuangan i. Jala marhitae angka panurirang sian si Jesaya, Jeremia, dohot nang angka panurirang na asing i, dibagabagahon do haroroni si palua i.

Hubungan ni Debata tu bangsoNa i, jotjot songon pangoli dohot oroanna. I do umbahen di goari nasida boru sion, boru Jerusalem. Digombarhon ia si palua nanaeng ro i sebagai sahalak na memiliki tolu (3) sifat dasar. Parjolo, ibana sahalak partigor. Hatigoran do nanaeng sipajongjongonna ditongatonga nasida, na gabe ojahan dame di portibi on (pat. Yes 45:21; Yer 23:5,6; Mal 4:2). Paduahon, ibana sahalak parmonang. Adong huaso di ibana laho paluahon angka na di ibana. Artina, ibana do haluaon i. Na patoluhon, ibana sahalak na serep marroha. Hoda sangat berbeda tu halode. Holan sian pardagingon, um timbo jala pasti umgogoan do hoda sian halode. I do umbahen molo diparporangan hoda do dipangke sebagai alat perang, ndang halode. Sehingga hoda i ma simbol parporangan, hagogoon manang huaso. Berbeda tu halode, jotjot manggombarhon “kelembutan dan kedamaian”.

Hureta, hoda, siap, dohot sior, i ma angka alat parporangan na dipangke angka bangso laho marporang dompak bangso na asing. Ndang adong dame nang serep ni roha di tongatonga ni portibi on. Raja nanaeng ro i, naeng mambolonghon saluhut alat parporangan i jala padaohon jolma i sian angka parbadaan. Ndang ondamondam baritahononna tu angka bangso, alai baritahononna ma hadameon tu sude bangso, ndang holan tu halak Jahudi. Sandok tu sude bangso na adong di portibi on. 

III. Refleksi

1.    Sude jolma mangidohon asa mian ma dame dibagasan ngoluna. Dame lapatanna: ndang adong parporangan; aman; ndang adong parbadaan/parsalisian. Situasi sisongonon mambahen sonang ngolunta, ndang dibagasan hatahuton. Boi denggan mulaulaon jala mangulahon angka na ringkot pamajuon angka parngoluon. Alani i do molo tubu angka persoalan di tongatonga ni masyarakat, pintor tausahaaon do pardamean. Pintor nijou do angka natuatua/tokoh padamehon persoalan di tongatonganta, asa unang gabe mangararati persoalan i gabe patubuhon hasusaan na marganjang tu pudian ni ari. Alai naeng ingotonta, marpanghusandean holan tu bisuk ni jolma ndang cukup. Dame na sian jolma, i ma dame na sian portibi on, ndang hot manontong. Dame na sian Debata do na manongtong dibagasan ngolunta. Dame na sian Debata boi mian dibagasan ngolunta, molo tabahen ibana gabe Raja di ngolunta. Gabe raja di ngolunta, lapatanna: Debata dibagasan Kristus na gabe tuan dibagasan ngolunta. Roha, pikkiran dohot pangalahonta, sudena i mardalan dibagasan aturan ni Raja na manggogomi ngolunta.

2.    Bangkona do molo di halak naung leleng dibagasan pangosagosaon ni na marhuaso, gabe tubu sada panghiriman taringot tu perubahan situasi ni ngoluna. Nang pe mangolu nasida, alai dibagasan ketidakadilan dohot penindasan do. Situasi on naeng dirubah, ringkot perubahan di ngoluna. Perubahan on tontu sahali dihirim ro sian sahalak pemimpin na jongjong di tongatonga ni nasida. Songon na masa di bangso on saonari. Mandapothon pesta demokrasi di taon 2014, bangso on dipaadop tu ragam pilihan taringot tu pimpinan na. Molo panghirimonta naeng ma adong perubahan tu na denggan, unang ma hot di angka na humurang. Pimpinan na naeng tapajongjong naeng ma boi mamboan sude rakyat tu ngolu na lam denggan. Pemimpin na songon dia sipajongjongonta? Marhite minggu Advent paduahon on, dilehon do sada syarat tu hita taringot angka pemimpin, i ma: ibana sahalak partigor, ibana sahalak parmonang, dohot sahalak na serep marroha. Sahalak nampuna angka 

3.    Jotjot taadopi hamaolon di bagasan ngolunta pajongjonghon dame i, songon nadiadopi halak Jahudi na paulihon huta nabadia i, Jerusalem. Godang halak na marsogo niroha mangambati ulaon na denggan i. Hamaolon i sanga mambahen gabe metmet roha nasida laho mangulahon ulaon na denggan i. Ulaon na denggan paulihon bagas joro ni Debata, inganan laho marsomba tu Debata, alai dihasogohon jolma na humaliang. Songoni do nang dibagasan tingki on di ngolunta. Ulaon na denggan do patupaon dame ditongatonga ni parbadaan, alai jotjotan do halak sumurut sian i, alani angka hata manang pangambation na ro sian angka na marsogo ni roha di ulaonta i. Alani i, di Minggu Adven paduahon on, dipaingot hita: Na ro do Debata manopot jolma marhite anakna na gabe jolma! Ibana ro manopot hita jolma mardongan hatigoran, hamonangan, dohot serep ni roha. Damena i mangaramoti hita di sude dalan ni nggolunta, pabalgahon rohanta asa mian dibagasan ulaon na denggan i. Ai di dok Ibana do: Martua ma sibahen dame, ai goaron do nasida anak ni Debata! (mat. 5:9). Ibana ro manopot hita, mambahen angka hita siboan dame di ngolu on gabe anakNa. Jala ramotan ni natorasna do angka anak si boan dame. Lapatanna, Debata do ama di hita, ingkon ramotanNa hita, anakna, angka na mamboan dame i di ngolunta. 

Khotbah Minggu, 01 Desember 2013

SERMON EVANGGELIUM MINGGU 01 DESEMBER 2013

Jesaya 2 : 1-5

Oleh: Pdt. MT. Pasaribu, S.Th

Tema:

IA DATANG MENJADI HAKIM ANTARA BANGSA-BANGSA

I. Latarbelakang Sejarah Dalam Nats.

Pada masa itu kerajaan Assyur yang dipimpin oleh Sanherib semakin kuat (2 Raja 18: 13-37), dan semakin mendesak kerajaan-kerajaan kecil di sekitarnya, seperti Aram (Syria), Efraim (Israel Utara) dan Yehuda (Israel Selatan). Pada tahun 732 SM Aram ditahlukkan, kemudian menyusul Israel Utara tahun 721 SM, sehingga tinggal Yehuda yang semakin terdesak. Dalam situasi genting itu, mereka bukannya minta pertolongan pada kuasa Tuhan tapi malah berusaha menjalin sekutu dengan bangsa sekitar.

Di kemudian hari Yehuda pun semakin terdesak dengan terkepungnya Yerusalem, tetapi pada akhirnya Assyur tidak mampu menundukkannya. Keberhasilan Yehuda ini dikatakan Yesaya bahwa itu adalah dikarenakan kuat kuasa Tuhan. Hal inilah dasar yang melatarbelakangi nubuat Yesaya dalam nats ini.

II. Penjelasan Nats

Yesaya menegaskan bahwa apa yang disampaikannya itu adalah firman yang berasal dari Tuhan, bukan buah dari pikirannya sendiri  (ayt.1). Dalam ayat 2 dituliskan, “Demikian isi firman tersebut, “Akan terjadi pada hari-hari yang terakhir: gunung tempat rumah TUHAN akan berdiri tegak di hulu gunung-gunung dan menjulang tinggi di atas bukit-bukit”. “Pada hari-hari terakhir” maksudnya bukan pada masa akhir dunia (parousia), tetapi pada suatu saat nantinya. Barangkali nubuatan Yesaya ini percis seperti yang diungkapkan Nommensen ketika memandang dari bukit Siatas Barita Tarutung, bahwa pada suatu saat nantinya akan berdiri banyak berdiri gereja di lembah Silindung.

Yesaya ingin menggambarkan pada masa mendatang akan kembali berdiri tegak rumah Tuhan di atas bukit-bukit di Yerusalem. Memang pada masa itu Rumah Tuhan masih berdiri kokoh di bukit Moria yang didirikan Salomo (II Taw 3:1). Dan Yerusalem pun masih utuh, tetapi saat itu sedang terancam oleh kerajaan Asyur. Sehingga peribadatan di sana pun terhenti dan rumah Tuhan tidak berfungsi sebagaimana mestinya.

Meskipun demikian suasana yang terjadi, namun akhirnya Allah sendiri yang menyelamatkan Yerusalem dengan membunuh 185.000 orang Asyur di perkemahan mereka (baca II Raja-raja 19:1-37). Setelah itu rumah Tuhan dibuka kembali dan banyak orang dari bangsa-bangsa datang berduyun-duyun ke sana untuk menyembah Tuhan (ayt.2-3). Pada akhirnya semua kejahatan, ketidakadilan, dan pemberontakan yang menentang Allah dan hukumNya akan ditumpas. Dan kebenaran akan memerintah (bd. Yes 59:20-60:3,14; Yer 33:14-16; Za 2:10-12). Nubuat ini mencerminkan maksud terakhir Allah bagi Israel dan umat manusia; ini digenapi di dalam Yesus Kristus sendiri, yang menjalankan keadilan dan kebenaran di bumi (Yes 9:1-7; 11:3-5). 

Istilah gunung Sion yang dicatat dalam ayat 3 adalah tempat rumah Tuhan. Gunung itu menggambarkan kekudusanNya dimana tempat  Allah bersemayam. Di tempat ini akan ada keinginan dan kerinduan untuk bersama-sama bersekutu dengan Tuhan. Bukan hanya pergi ke sana, tetapi yang lebih penting lagi adalah untuk mendengar pengajaranNya. Sehingga mereka boleh berjalan seturut dengan jalan-jalan Tuhan (ayt.3). Sebab dari sanalah mereka akan mendapatkan firman pengajaran Tuhan untuk menjadi bekal rohani dalam menjalani kehidupan sehari-hari.

Kemudian dalam ayat 4 dikatakan Yesaya bahwa Tuhan itu akan menjadi hakim di antara bangsa-bangsa. Sehingga Tuhan akan mengadili setiap bangsa sesuai dengan pikiran dan perbuatan mereka masing-masing. Sikap keadilan dan sebagai hakim inilah yang mendorong Tuhan menyelamatkan Yerusalem dari serangan Assyur.  Kita tahu bahwa tugas hakim adalah membuat keputusan yang adil terhadap perselisihan dan memutuskan perkara dengan  penyelesaian damai. Allah sebagai hakim akan membawa perdamaian kepada bangsa-bangsa yang berperang, digambarkan bahwa senjata pedang akan diganti menjadi mata bajak dan tombak akan diganti menjadi pisau pemangkas (ayt.4). Artinya aktivitas perang akan berhenti kemudian akan diganti dengan aktivitas pertanian dengan tujuan meningkatkan taraf hidup dan kesejahteraan manusia.

Selanjutnya di ayat 5, Yesaya mengajak orang Yehuda sebagai keturunan Yakub, agar senantiasa berjalan dalam terang Tuhan. Mengapa harus demikian?, karena mereka adalah bangsa pilihan yang hendak dijadikan sebagai pembias sinar terangNya kepada seluruh bangsa. Ajakan ini sangat perlu, sebab bisa saja terjadi lewat ajaran Tuhan di gunung Sion itu maka bangsa-bangsa lain akan selamat, sementara bangsa Yehuda sendiri tidak. Bangsa-bangsa lain  akan hidup dalam terang Allah, bangsa Yehuda akan tinggal dalam kegelapan. Karena itulah Yesaya mengajak mereka supaya jangan sempat seperti itu yang terjadi. Mereka diajak untuk berjalan dalam terang Tuhan, artinya hidup seturut dengan kehendak Tuhan, taat kepada perintahNya dan hidup menurut jalan-jalanNya. Tidak ada bedanya bangsa Yehuda dengan bangsa-bangsa lain, sebab barang siapa yang berjalan dalam terang Tuhan akan selamat, tetapi sebaliknya bangsa manapun yang hidup dalam kegelapan akan hancur.

III. Aplikasi Nats

1.      Kehidupan orang kristen adalah bukan kehidupan yang biasa-biasa saja, tetapi kehidupan yang penuh dengan tantangan dan perjuangan, bagaikan naik ke puncak gunung untuk menuju kesempurnaan. Semakin tinggi kita menaiki gunung itu (semakin kuat iman), maka semakin luaslah pandangan kita (semakin damai di hati). Biasanya orang yang punya pandangan atau wawasan luas akan semakin tenang dan bijak menghadapi aneka persoalan. Dari atas gunung itu juga pemandangan kita terhadap sebuah obyek akan berubah. Apa yang sebenarnya besar, misalnya kayu-kayu hutan di seberang namun bila dipandang dari atas gunung itu maka tampaknya akan menjadi begitu kecil. Demikian jugalah orang percaya yang kuat iman dalam menghadapi aneka pergumulan hidupnya. Sebesar apa pun persoalan yang dihadapi akan menjadi kecil atau biasa-biasa saja yang diubahkan oleh sudut pandangnya. Namun bukan dalam arti menjadi menyepelekan segala sesuatu, tetapi keyakinan atau iman kita menjadikan kita kuat dalam menghadapinya, sehingga masalah itu tidak menjadi penghalang. Sudut pandang dari atas gunung itu juga akan menciptakan keindahan, meskipun yang kita pandang itu adalah semak belukar. Demikian jugalah aneka persoalan hidup itu (semak belukar - angka na rundut i) akan kita pandang menjadi indah pada akhirnya. Pengkotbah mengatakan bahwa segala sesuatunya akan menjadi indah pada waktunya (Pengkotbah 3: 11). Orang bijak berkata bahwa setiap celaka ada hikmahnya. Selain keindahan, kesejukan oleh lambaian angin juga akan terasa di atas gunung itu. Demikianlah orang percaya yang berjalan dalam terang ajaran firman Tuhan akan merasakan kesejukan rohani dan jasmaninya.

2.      Bertolak dari damainya di rumah Tuhan (gereja), marilah kita ajak para saudara dan handai tolan, agar di sana mereka juga turut bersama-sama dengan kita mendengarkan ajaran Tuhan. Sehingga lewat pendengaran akan firman Tuhan, kerohanian kita akan semakin bertumbuh, sukacita akan menemani kita sehingga dapat merasakan indahnya hidup ini. Sebelum mendengarkan firman Tuhan, sebaiknya kita berdoa, menenangkan diri serta mendekatkan diri pada Tuhan seperti yang dilakukan orang Yehuda di gunung Sion tersebut.

3.      Tuhan itu adalah hakim yang adil di antara kita. Dialah tempat mendapatkan keadilan yang sepenuhnya yang tidak kita dapatkan dari hakim yang ada di dunia ini. Namun ada hal penting yang mesti kita lakukan, yaitu mengganti pedang dan tombak (yaitu hal yang kita pakai menyakiti atau menghancurkan kehidupan orang lain) menjadi mata bajak dan pisau pemangkas (yaitu hal-hal yang memberi kehidupan dan kesejahteraan kepada orang lain). Minggu kita kali ini adalah minggu advent yang pertama. Advent artinya penantian. Saat ini kita sedang menanti datangnya hakim dan wasit yang adil itu. Maka sambutlah Dia dalam hidupmu dengan berjalan dalam terang firman Tuhan. Sebab sesungguhnya, kegelapan menutupi bumi, dan kekelaman menutupi bangsa-bangsa; tetapi terang TUHAN terbit atasmu, dan kemuliaan-Nya menjadi nyata atasmu (Yes. 60:2). Amin!

IV. Nyanyian

KEBAKTIAN BHS. INDONESIA

1. 19 : 1+3+5	3. 408 : 1	5. 247 : 1 …..	7. 344 : 1 ….
2. 38 : 3+5	4. 9     : 4-5	6. 54   : 3-4

KEBAKTIAN BHS. TOBA

1. 38 : 1-3	3. 357 : 5	5. 10   : 2 ….	7. 404/31: 1 ….
2. 43 : 1-2	4. 44   : 1-2	6. 341 : 1+3

G. Titah: Usahakanlah kesejahteraan kota ke mana kamu Aku buang, dan berdoalah untuk kota itu kepada TUHAN, sebab kesejahteraannya adalah kesejahteraanmu (Yeremia 29 : 7)

Ringkoti hamu huhut hasonangan ni huta na hubahen i, jala tangiangkon hamu tu Jahowa, ai molo marhasonangan huta i, marhasonangan ma dohot hamu (Jeremia 29: 7).

Berbagi Tips

Teknik Menulis Resensi Buku

Ditulis tanggal : 09 - 09 - 2011 | 14:41:51

*Yons Achmad. Humas FLP Pusat.

~dan…kebahagiaan akan berlipat ganda
jika dibagi dengan orang lain~

(Paulo Coelho dalam novel “Di Tepi Sungai Piedra”)

Beruntung orang yang suka membaca buku. Mereka yang gemar membaca buku akan terbuka wawasannya, tidak kuper dan cupet pandangan. Mereka akan mendapatkan informasi selain yang dipikirkannya selama ini, begitu juga referensi dan pengetahuannya akan bertambah luas. Inilah sebenarnya investasi berharga sebagai modal untuk mengarungi kehidupannya. Orang yang menyukai aktivitas membaca, biasanya mereka tidak akan terjebak dalam pola berpikir sempit ketika menghadapi problem-problem penting yang terjadi di dunia. Dalam kehidupan nyata juga berpeluang besar punya potensi dan kecenderungan yang bijak dalam mensikapi kejadian-kejadian keseharian di sekitarnya.

 Tapi, bagi orang yang ingin berbuat lebih dan mau berbagi ilmu kepada orang lain, membaca saja tak cukup. Mereka perlu memiliki ketrampilan lagi yaitu ketrampilan meresensi buku (berbagi bacaan). Sebelum melangkah kepada teknik ringkas meresensi buku, ada beberapa hal penting mengapa resensi perlu dibuat. Tujuannya, diantaranya sebagai berikut,

1. Membantu pembaca (publik) yang belum berkesempatan membaca buku yang dimaksud (karena buku yang diresensi biasanya buku baru) atau membantu mereka yang memang tidak punya waktu membaca buku sedikitpun. Dengan adanya resensi, pembaca bisa mengetahui gambaran dan penilaian umum terhadap buku tertentu. Setidaknya, dalam level praktis keseharian, bisa dijadikan bahan obrolan yang bermanfaat dari pada menggosip yang tidak jelas juntrungnya.

2. Mengetahui kelemahan dan kelebihan buku yang diresensi. Dengan begitu, pembaca bisa belajar bagaimana semestinya membuat buku yang baik itu. Memang, peresensi bisa saja sangat subjektif dalam menilai buku. Tapi, bagaimanapun juga tetap akan punya manfaat (terutama kalau dipublikasikan di media cetak, karena telah melewati seleksi redaktur). Lewat buku yang diresensi itulah peresensi belajar melakukan kritik dan koreksi terhadap sebuah buku. Disisi lain, seorang pembaca juga akan melakukan pembelajaran yang sama. Pembaca bisa tahu dan secara tak sadar akan menggumam pelan “Oooo buku ini begini…. begitu” setelah membaca karya resensi.

3. Mengetahui latarbelakang dan alasan buku tersebut diterbitkan. Sisi Undercovernya. Kalaupun tidak bisa mendapkan informasi yang demikian, peresensi tetap bisa mengacu pada halaman pengantar atau prolog yang terdapat dalam sebuah buku. Kalau tidak, informasi dari pemberitaan media tak jadi soal.

4. Mengetahui perbandingan buku yang telah dihasilkan penulis yang sama atau buku-buku karya penulis lain yang sejenis. Peresensi yang punya “jam terbang” tinggi, biasanya tidak melulu mengulas isi buku apa adanya. Biasanya, mereka juga menghadirkan karya-karya sebelumnya yang telah ditulis oleh pengarang buku tersebut atau buku-buku karya penulis lain yang sejenis. Hal ini tentu akan lebih memperkaya wawasan pembaca nantinya.

5. Bagi penulis buku yang diresensi, informasi atas buku yang diulas bisa sebagai masukan berharga bagi proses kreatif kepenulisan selanjutnya. Karena tak jarang peresensi memberikan kritik yang tajam baik itu dari segi cara dan gaya kepenulisan maupun isi dan substansi bukunya. Sedangkan, bagi penerbit bisa dijadikan wahana koreksi karena biasanya peresensi juga menyoroti soal font (jenis huruf) mutu cetakan dsb.

Nah, untuk bisa meresensi buku, sebenarnya tidak sesulit yang dibayangkan sebagian orang. Ada beberapa langkah yang bisa dilakukan siapa saja yang akan membuat resensi buku asalkan mereka mau. Diantaranya;

A. Tahap Persiapan

1. Memilih jenis buku. Tentu setiap orang mempunyai hobi dan minat tertentu pada sebuah buku. Pada proses pemilihan ini akan lebih baik kalau kita fokus untuk meresensi buku-buku tertentu yang menjadi minat atau sesuai dengan latarbelakang pendidikan kita. Hal ini didasarkan pada kenyataan bahwa seseorang tidak mungkin menguasai berbagai macam bidang sekaligus. Ini terkait dengan ” otoritas ilmiah”. Tidak berarti membatasi atau melarang-larang orang untuk meresensi buku. Tapi, hanya soal siapa berbicara apa. Seorang guru tentu lebih paham bagaimana cara mengajar siswa dibandingkan seorang tukang sayur.

2. Usahakan buku baru. Ini jika karya resensi akan dipublikasikan di media cetak. Buku-buku yang sudah lama tentu kecil kemungkinan akan termuat karena dinilai sudah basi dengan asumsi sudah banyak yang membacanya. Sehingga tidak mengundang rasa penasaran. Untuk buku-buku lama (yang diniatkan hanya sekedar untuk berbagi ilmu, bukan untuk mendapatkan honor) tetap bisa diresensi dan dipublikasikan misalnya lewat blog (jurnal personal).

3. Membuat anatomi buku. Yaitu informasi awal mengenai buku yang akan diresensi. Contoh formatnya sebagai berikut;

Judul Karya Resensi

Judul Buku :
Penulis :
Penerbit :
Harga :
Tebal :

B. Tahap Pengerjaan

1. Membaca dengan detail dan mencatat hal-hal penting. Ini yang membedakan antara pembaca biasa dan peresensi buku. Bagi pembaca biasa, membaca bisa sambil lalu dan boleh menghentikan kapan saja. Bagi seorang peresensi, mesti membaca buku sampai tuntas agar bisa mendapatkan informasi buku secara menyeluruh. Begitu juga mencatat kutipan dan pemikiran yang dirasa penting yang terdapat dalam buku tersebut.

2. Setelah membaca, mulai menuliskan karya resensi buku yang dimaksud. Dalam karya resensi tersebut, setidaknya mengandung beberapa hal;

• Informasi(anatomi) awal buku (seperti format diatas).
• Tentukan judul yang menarik dan “provokatif”.
• Membuat ulasan singkat buku. Ringkasan garis besar isi buku.
• Memberikan penilaian buku. (substansi isinya maupun cover dan cetakan fisiknya) atau membandingkan dengan buku lain. Inilah sesungguhnya fungsi utama seorang peresensi yaitu sebagai kritikus sehingga bisa membantu publik menilai sebuah buku.
• Menonjolkan sisi yang beda atas buku yang diresensi dengan buku lainnya.
• Mengulas manfaat buku tersebut bagi pembaca.
• Mengkoreksi karya resensi. Editing kelengkapan karya, EYD dan sistematika jalan pikiran resensi yang telah dihasilkan. Yang terpenting tentu bukan isi buku itu apa, tapi apa sikap dan penilaian peresensi terhadap buku tersebut.

C. Tahap Publikasi

1. Karya disesuaikan dengan ruang media yang akan kita kirimi resensi. Setiap media berbeda-beda panjang dan pendeknya. Mengikuti syarat jumlah halaman dari media yang bersangkutan adalah sebuah langkah yang aman bagi peresensi.

2. Menyertakan cover halaman depan buku.

3. Mengirimkan karya sesuai dengan jenis buku-buku yang resensinya telah diterbitkan sebelumnya. Peresensi perlu menengok dan memahami buku jenis apa yang sering dimuat pada sebuah media tertentu. Hal ini untuk menghindari penolakan karya kita oleh redaktur.

Demikian ulasan sekilas mengenai teknik sederhana meresensi buku. Pada intinya, persoalan meresensi buku adalah soal berbagi (ilmu). Setelah membaca buku, biasanya kita bahagia karena memperoleh wawasan baru. Dengan begitu urusan meresensi buku juga bisa berarti kita berbagi kebahagiaan dengan orang lain.

Bahan Khotbah Minggu 10 November 2013

MINGGU XXIV DUNG TRINITATIS, 10 NOVEMBER 2013

Ev. Roma 12: 17-21

Tema : Taluhon Hajahaton Marhite Ulaon na Denggan

I. Patujolo

Nunga lam mangimbukbuk (merajalela) be pangalaho hajahaton i lam tu pudian ni ari on. Lembaga Kepolisian Indonesia (Polri) di taon 2012 pabotohon, saleleng ni taon 2012 adong do 316.500 kasus hajahaton na masa. Media Massa Tribun News mandok, ganup 1 minut 31 detik (91 detik)[1], sai adong ma sada kasus na tubu. Angka kasus on masa do i sopola marnida umur, jenis kelamin, dohot status sosialna. Holan di Indonesia dope data on dah, ndang dope tasulingkit di bangso na asing. Jala holan na dapot dirongkom dope on, ndang dope angka kasus naso dapot dirongkom ala so sahat tu na berwajib. Manatap sian on, ndang pola ra na pajolohu molo dohonon paboa hajahaton i nunga lam merajalela di portibi on.

Sian dia do mula ni hajahaton i? Di mula ni panompaon i didok, “nunga denggan situtu” (1 Musa 1: 31) saluhutna ditompa Debata. Ndang adong dosa, ndang adong hajahaton, jala ndang adong hamatean. Alai, dung dilaosi si Adam dohot si Hawa hata ni Debata, na mandok na so jadi panganonnasida parbue ni hau parbinotoan na denggan dohot na roa (1 Musa 2:17), mamungka sian on ma masa pangalaho dosa, hajahaton, parungkilon dohot nang hamatean i na manggohi portibi on. Dipangke jolma na parjolo i do “kehendak bebas” na ni lehon ni Debata mangulahon na jahat, mangalo hata ni Debata. Jadi, hajahaton i ima hatangkangon ni jolma maradophon Debata. Jala ndang tolapna be rimpas laho patupahon angka na denggan i. Debata mangidohon nasida asa masihaholongan di bagasan ngoluna, alai ndang diulahon jolma i holong. Godang do na mangulahon holong i, alai godang do tong na mangulahon hajahaton i. Marhite i do asa gabe digombarhon portibi on songon sada inganan parporangan na denggan dohot na jat, daging dohot tondi. Songon dia jala boha do hita laho manaluhon hajahaton i marhita ulaon na denggan, hombar tu ojahan ni jamitanta minggu on?. Tapaihutihut ma hatorangan na di toru on.

II. Hatorangan

Laho pamatehon api na marsigorgor, ingkon pangkeon do alo ni api i sandiri ima aek. Laos songon i do laho manaluhon hajahaton i, ingkon pangkeonta do alona ima na denggan. Molo hajahaton tabahen alo ni  hajahaton, lam marsijembur do i. Tapukkul sasahalak, kemungkinan besar secara otomatis ibana pe balik mamukkul hita do. Sialani i do umbahen dipaingot apostel Paulus huria Rom asa unang mambaloshon na jat alo ni na jat.

Somalna parbue ni na jat alo ni na jat, gabe tubu ma balas dendam. Jadi ndang na jat bahenon alo ni na jat, ai boi do gabe tubu muse na jat na imbaru. Alai ingkon na denggan i do bahenon balosna, jala ido na pinodahon ni si Paulus tu halak Rom di jamita on. Tarlumobi hatia i ia huria na di Rom, ndang holan na marharoroan sian halak Jahudi sambing, alai adong do i nang sian angka bangso na asing. Dung i muse ia halak kristen Rom mansai otik do i martimbangkon sisomba debata ganaganaan. Alai nangpe torop so sadia nasida, molo pangalaho na denggan do dihangoluhon nasida, ingkon monang do nasida maralohon siulahon na jat na mansai torop i.  

Na mangihut, diajarhon do tu nasida asa “unang marlulu; pasahat hamu ma rimas i (tu Debata), ai tarsurat do: "Di Ahu do pamaloson, Ahu pe mamaloshon, ninna Tuhan i." Paulus mambuat hata on sian jamita ni si Musa tu halak Israel (5 Musa 32:35), na mangajarhon taringot tu huaso ni Debata di portibi on, na mangatasi sude huaso na adong di portibi on. Ragam bangso dihumaliang ni halak Israel di hatihai na naeng mangago nasida marhite sangkap hajahaton. Saluhutna i ndang margogo diadopan ni Debata, ai “Jahowa do marporang humongkop hamu, asal hohom hamu” (2 Musa 14:14). Hohom lapatanna dibagasan pangoloion tu Debata na berhak laho mamaloshon i.  

Paulus manambahon muse hata ni Debata sian Poda 25:21-22, dalan laho mangalo hajahaton i marhite ulaon na denggan: male musum, lehon ibana mangan; mauas ibana, painum! Asa, molo tapatupa si songoni, “songon na pagukgukkon gara do ho tu atas uluna”. Di Padan Na Robi, laho patuduhon panololion na dihajahaton naniulana, dipatuduhon do I marhite na dibahen disimanjujungna saspiring gara ni api. Sian i ma pangantusion “songon na pagukgukkon gara do ho tu atas uluna” tujuanna: marhite patupahon na denggan alo ni hajahaton, gabe manolosoli ma angka parjahat i jala marhamubaon.

III. Impola ni Jamita

1.      Di sada tingki, rap mardalan ma Kapak, Gergaji, Martil dohot Api. Di tongan dalan so ma nasida ala adong sada bosi baja na balga mangambati dalan nasida. Dung i, ro ma si Kapak manjonoki bosi i laho menghancurkan. Alai dung piga hali, ndang boi pultak bosi i. Ujungna mundur ma Kapak i, diuduti si Gergaji ma laho mamotong bosi i. Mulakulak dicoba gergaji ndang boi, malahan gabe sega gergaji i. “Mundur ma ho” ninna si Martil ma. Sagogogogona dibahen mangantuk bosi i, alai tong do dang boi, malahan gabe sampat ma Martil i tu pudi. Saonari giliran ni Api ma. Dipajonok ma tu bosi i, marhite panas na i gabe dihungkupi ma baja i. Lambat laun bosi baja i pe boi ma gabe meleleh jala hancur. Boi ma nasida manguduti pardalananna.

Hajahaton i pe jotjot songon bosi baja i, keras, ndang tarbahen manang ise laho mangambati hajahaton i. Nunga godang aturan laho mangatasi hajahaton na masa, alai lam manggasak do hajahaton i. Nunga dibentuk KPK, alai lam mangganas do kejahatan korupsi. Nunga godang teroris di hukum mati, alai molo jaringanna tong do pe adong sahat sadarion. Aha do na salah? Na hurang karas do uhum i? Manang hurang margogo angka penegak hukum umbahen lam tu gogona hajahaton i? Dison ma ringkot sada pendekatan naimbaru bahenon di tongatonga ni keluarga nang masyarakatta, i ma : Holong! Aturan dohot peraturan i naeng ma unang mardongan kekerasan, alai naeng ma didongani holong i. Aturan na didongani kekerasan, jotjotan menghasilkan pembangkangan. Alai aturan dohot peraturan na didongani holong, laho padengganhon, anggiat menghasilkan hamubaon di jolma i gabe mangulahon na denggan i di ngoluna.

2.      Angka dongan, dimulanai hita jolma on nunga ditompa Debata mansai denggan laho mangulahon na denggan. Alai dosa mambahen hita mangulahon na jahat, ndang diharingkothon be mangulahon na denggan. Tarlumobi ma di ari na parpudi on, sahira na monang do hajahaton i maradophon angka na denggan i. Ndang mabiar be jolma i mangalaosi patik ni Debata. sipata molo nipikkiran,:”Ala na so adong i do hukuman langsung tu angka parjahat i, songon hukuman penjara manang denda sian Debata, umbahen sai marjahat i jolma on?” Jala godang do pangantusion na salah taringot tu hamubaon i, dianggap boi do haduan i. “Di ari parpudi do anon jaloon uhuman i, anon ma na marhamubaon i songon parjahat na di siamun ni Jesus”. Naeng ingotonta, ndang dung di ari parpudi i hita dinilai Debata, alai saleleng hita mangolu di portibi on, i do na gabe ujian di hita laho patupahon na denggan i. asa songon hata ni endenta, no. 248 i, didok:” Saleleng ho di tano on Patigor ma roham Paingotingot ma tongtong Nidok ni Debatam”, na mangajarhon hita asa manongtong mangulahon na denggan i dibagasan ngolunta.

3.      Manaluhon hajahaton boi do taulahon marhite na manesa dosa. Dung na malua Paus Johanes Paulus II sian usaha pembunuhan ni sahalak na marsogo roha tu hakristenon, pintor ro do Paus i mandapothon halak na manembak i tu penjara. Sude halak tarsonggot, tarlumobi ma jolma manembak i, di na ro Paus mandapothon ibana di bagasan penjara. Disi, Paus olo manesa dosa ni jolma na jahat i. Disolsoli na jahat i do dosana jala gabe marhamubaon, ndang be mangulahon na jahat. Manesa dosa ni angka na jahat, bagian sian ulaon na denggan do i laho manaluhon hajahaton. Alani, molo olo hita manesa dosa ni angka dongan na jahat tu hita, sada dalan do i tu nasida asa marhamubaon sian hajahaton na i, gabe moru bilangan ni angka parjahat.

---

[1] Dikutip sian www.tribunnews.com, Rabu 26 Desember 2012.